Գրադարան /

• Գրականության սպասարկում ընթերցողներին ըստ նրանց պահանջարկի:
• Միջգրադարանային աբոնեմենտների միջոցով ընթերցողի պահանջների բավարարում:
• Անմիջական օգնություն ընթերցողին գրականությունը որոնելու, ընտրելու, տեղեկատու ապարատից օգտվելու, նորույթներին իրազեկ դառնալու գործում:
• Գրադարանային-մատենագիտական անհրաժեշտ գիտելիքների հաղորդում:
• Ընթերցողների զանգվածային տեղեկատվության տարբեր ձևերի ու մեթոդների կիրառում` "Ինֆորմացիոն օր", նոր ստացված գրականության ցուցադրում, հիշարժան տարեթվեր:
• Գրադարանային ֆոնդերի ձևավորում և նպատակաուղղված համալրում ինստիտուտում գործող ուսումնական պլաններին, ծրագրերին համապատասխան:
• Համագործակցություն հանրապետության այլ գրադարանների հետ:
• Ընթերցողական քարտերի ստուգում և վերագրանցում:
• Գրքերի նորոգում, պատճենահանում:

Գրադարանը ֆոնդերի բազմազանությամբ համարվում է հանրապետության լավագույններից մեկը, իսկ որպես մասնագիտական` միակն է:

Գրադարանի ընդհանուր ֆոնդի 1/3-ը մարզական բնույթի է:

Գրադարանն ունի բժշկության, հոգեբանության, մանկավարժության վերաբերյալ, ինչպես նաև գեղարվեստական, արվեստի, տեղեկատու բնույթի (բառարաններ, հանրագիտարաններ) հարուստ գրականություն:

Գրադարանի ֆոնդը հարուստ է նաև եվրոպական գրականությամբ հայերեն թարգմանություններով:

Այստեղ պահվում են բժիշկ Զախարովի նվիրատված մարզական, բժշական գրականության անձնական հավաքածուն: Այն կազմված է նախախորհրդային շրջանի հրատարակություններից: Ռուսերեն, անգլերեն, գերմաներեն, ֆրանսերեն լեզվով հազվագյուտ, եզակի հավաքածուն (մոտ 2300 կտոր) հանդիսանում է գրադարանի "ոսկե ֆոնդը":

Ընթերցասրահը համալրված է անհրաժեշտ գրականությամբ, դասագրքերով, գիտական աշխատություններով, ատենախոսությունների սեղմագրերով, տեղեկատուներով և մարզական մամուլի հավաքածուներով:

Անկասկած է գրադարանի ցուցաբերած գիտական և ուսումնամեթոդական մեծ օգնությունը:

Գրադարանում առկա է 22400 անուն գիրք, ընդհանուր ֆոնդը կազմում է 186873 կտոր գիրք:

Գրադարանը սպասարկում է ավելի քան 2600 ընթերցողի:

Ներկայումս Մոսկվայից ստացվում է մոտ 10 անուն մարզական ամսագիր:

Էլեկտրոնային գրադարանում ներառված են 224 էլեկտրոնային գիրք և ավարտական աշխատանք:

Ընթերցասրահում առկա են բոլոր առարկաների դասախոսությունների էլեկտրոնային տարբերակները: